ONGC: భారత్ కు చెందిన ప్రముఖ ప్రభుత్వ చమురు సంస్థ ఓఎన్జీసీకి ఒక పెద్ద శుభవార్త అందింది. దక్షిణ అమెరికా దేశమైన వెనెజువెలాలోని తమ చమురు, గ్యాస్ బావుల నుంచి మళ్లీ చమురు తీసేందుకు, అమ్మకాలు జరిపేందుకు అమెరికా ప్రభుత్వం అనుమతి ఇచ్చింది. గతంలో అమెరికా విధించిన ఆంక్షల వల్ల ఓఎన్జీసీ అక్కడ పనులు కొనసాగించలేకపోయింది. ఇప్పుడు ఆ సమస్య తీరిపోవడంతో, నిలిచిపోయిన చమురు ఉత్పత్తిని మళ్లీ వేగవంతం చేయడానికి మార్గం సుగమమైంది.
Also Read : NTA మరో నిర్లక్ష్యం: UGC-NETలో తప్పులు, సెప్టెంబరులో రీ-ఎగ్జామ్స్!
వెనెజువెలాలోని శాన్ క్రిస్టోబాల్ చమురు ప్రాంతంలో ఓఎన్జీసీకి 40 శాతం, కారాబోబో ప్రాజెక్ట్లో 11 శాతం భాగస్వామ్యం ఉంది. అమెరికా అనుమతితో అక్కడ పనులు మళ్లీ మొదలవ్వడమే కాకుండా, రాబోయే రోజుల్లో ఇతర భారతీయ కంపెనీలు కూడా అక్కడ పెట్టుబడులు పెట్టడానికి తలుపులు తెరుచుకున్నాయి.
ఓఎన్జీసీకి ఇది ఊరటనిచ్చే విషయమే అయినప్పటికీ, మన దేశంలో పెట్రోల్, డీజిల్ రేట్లు వెంటనే తగ్గిపోవు. ఎందుకంటే ప్రస్తుతం ప్రపంచ మార్కెట్లో ముడి చమురు ధరలు ఇంకా ఎక్కువగానే ఉన్నాయి. ఒకవైపు అమెరికా-ఇరాన్ దేశాల మధ్య జరుగుతున్న గొడవల వల్ల చమురు ధరలు మరింత పెరిగే ప్రమాదం ఉందని ఆర్థిక నిపుణులు హెచ్చరిస్తున్నారు.
ప్రస్తుతం అంతర్జాతీయ మార్కెట్లో ఒక బ్యారల్ ముడి చమురు ధర 90 డాలర్లుగా ఉంది. పరిస్థితి ఇలాగే ఉంటే ఇది త్వరలోనే 100 డాలర్లకు చేరే అవకాశం ఉంది. అంతేకాకుండా, వెనెజువెలాలో ఉత్పత్తి పెరిగి ఆ చమురు మన దేశానికి చేరడానికి కొంత సమయం పడుతుంది. కాబట్టి అంతర్జాతీయంగా ముడి చమురు ధరలు తగ్గితేనే మన దగ్గర కూడా పెట్రోల్, డీజిల్ రేట్లు తగ్గుతాయి.
Also Read : పెట్రోల్ కార్లను దెబ్బతీస్తోందా?
