CJP : కాక్రోచ్‌ జనతా పార్టీ మరో సంచలన ప్రకటన చేసింది. ప్రధాన ఎన్నికల కమిషనర్‌ జ్ఞానేశ్‌ కుమార్‌ రాజీనామా చేయాలని డిమాండ్ చేసింది. 48 గంటల్లో ఆయన పదవి నుంచి తప్పుకోకపోతే దేశవ్యాప్తంగా ఆందోళనలు చేపడతామని వ్యవస్థాపకుడు అభిజీత్‌ దీప్కే హెచ్చరించారు. ఢిల్లీలో నిర్వహించిన విలేకరుల సమావేశంలో ఆయన ఈ ప్రకటన చేశారు.
Also Read : శబరిమల అయ్యప్ప ఆలయంలో బంగారు కిరీటం మాయం!
జ్ఞానేశ్‌ కుమార్‌ ఓటర్ల హక్కులను దెబ్బతీస్తున్నారని, ఎన్నికల ప్రక్రియపై తమకు అనుమానాలు ఉన్నాయని దీప్కే ఆరోపించారు. ఆయన రాజీనామా చేయకపోతే దేశవ్యాప్తంగా నిరసనలు ప్రారంభించి, అనంతరం ఢిల్లీలో భారీ ఆందోళన చేపడతామని చెప్పారు. గతంలో జంతర్‌ మంతర్‌ వద్ద నిర్వహించిన తమ నిరసన తరహాలోనే జంతర్‌ మంతర్‌ 2.0 తప్పకుండా జరుగుతుందని అన్నారు.
ఎన్నికలు సక్రమంగా జరగడం లేదని భావిస్తే ప్రతిపక్ష పార్టీలు ఎన్నికల్లో పాల్గొనడంపై కూడా నిర్ణయం తీసుకోవాలని దీప్కే వ్యాఖ్యానించారు. ఎన్నికల ప్రక్రియపై అనుమానాలు ఉన్నప్పుడు రాజకీయ పార్టీలు ఒక స్పష్టమైన వైఖరి తీసుకోవాల్సిన అవసరం ఉందని ఆయన అన్నారు.
జ్ఞానేశ్‌ కుమార్‌పై తీవ్ర ఆరోపణలు చేసిన దీప్కే.. దేశంలో ఎవరు ఓటు వేయాలో, ఎవరు ఓటు వేయకూడదో నిర్ణయించే పరిస్థితి ఏర్పడిందని ఆరోపించారు. తమ ఓటు హక్కును తొలగించే అధికారం జ్ఞానేశ్‌ కుమార్‌కు ఎవరు ఇచ్చారని ప్రశ్నిస్తూ, ఆయనపై క్రిమినల్‌ చర్యలు తీసుకోవాలని డిమాండ్ చేశారు. ఇవన్నీ CJP చేసిన ఆరోపణలేనని, అవి నిర్ధారిత వాస్తవాలుగా చెప్పలేమని పలు నివేదికలు పేర్కొన్నాయి.
Also Read : బెంగాల్‌లో మళ్లీ ఎన్నికలు పెట్టాలి.. CECని అరెస్ట్ చేయాలి: మమత సంచలన డిమాండ్!
