
వెండితెరపై కనిపించే గ్లామర్, వెలుగుల వెనుక ఎన్నో పర్సనల్ స్టోరీలు ఉంటాయి. సినిమాల్లో ఒకరి కోసం ఒకరు అన్నట్లు కనిపించే నటీనటులు, నిజ జీవితంలో ఒకటైనప్పుడు అభిమానులు ఎంతో సంబరపడతారు. వారి జంటను ఆదర్శంగా భావిస్తారు. కానీ జీవితం ఎప్పుడూ ఒకేలా ఉండదు. ఊహించని మనస్పర్థలు, వ్యక్తిగత కారణాల వల్ల కొందరు స్టార్ సెలబ్రిటీలు తమ వైవాహిక బంధానికి స్వస్తి పలకాల్సి వస్తుంది. అయితే తాజాగా ఏపీ డిప్యూటీ సీఎం పవన్ కళ్యాణ్, అన్నా లెజినోవా విడాకులు తీసుకోబోతున్నట్లు ప్రకటించారు. దీంతో వీరి ఫ్యాన్స్ ఎంతో ఫీల్ అవుతున్నారు. అయితే ఇలాఎన్నో ఏళ్లు అన్యోన్యంగా జీవించి విడిపోయిన జంటలు సినీ ఇండస్ట్రీలో చాలా మంది ఉన్నారు. మరి వారు ఎవరెవరో చూద్దాం.
Also Read : ‘రామాయణ’ మూవీ మూడురోజుల భారీ కలెక్షన్స్.. మతిపోవాల్సిందే..!
పవన్ కళ్యాణ్ రేణు దేశాయ్
ఏపీ ఉప ముఖ్యమంత్రి పవన్ కళ్యాణ్ మొదట నందినికి విడాకులిచ్చిన తర్వాత నటి రేణు దేశాయ్ను వివాహం చేసుకున్నారు. ఆ తర్వాత రేణు దేశాయ్కు కూడా విడాకులిచ్చి అన్నా లెజ్నెవాను వివాహం చేసుకున్నారు. ఇప్పుడు వీరిద్దరూ కూడా పరస్పర అంగీకారంతో విడిపోతున్నట్లు ప్రకటించారు.
నాగచైతన్య-సమంత
టాలీవుడ్లో అత్యంత ప్రజాదరణ పొందిన లవ్లీ కపుల్ నాగ చైతన్య, సమంత రూత్ ప్రభు. ‘ఏ మాయ చేసావె’ సినిమాతో మొదలైన వీరి పరిచయం ప్రేమగా మారి వివాహబంధంతో ఒక్కటయ్యారు. అయితే పెళ్లయిన కొన్ని సంవత్సరాలకే వీరు మనస్పర్థల కారణంగా పరస్పర అంగీకారంతో విడాకులు తీసుకున్నారు.
నాగార్జున-లక్ష్మీ దగ్గుబాటి
అక్కినేని నాగార్జున మొదట ప్రముఖ నిర్మాత రామానాయుడు కుమార్తె లక్ష్మిని వివాహం చేసుకున్నారు. వీరి కుమారుడే నాగ చైతన్య. ఆ తర్వాత లక్ష్మితో విడాకులు తీసుకున్న నాగార్జున, నటి అమలను రెండో వివాహం చేసుకున్నారు. ఇదే కుటుంబానికి చెందిన హీరో సుమంత్, హీరోయిన్ కీర్తి రెడ్డిని వివాహం చేసుకున్న కొద్ది కాలానికే వ్యక్తిగత కారణాలతో విడిపోయారు.
మంచు మనోజ్-ప్రణతి రెడ్డి
కలెక్షన్ కింగ్ మోహన్ బాబు చిన్న కుమారుడు, హీరో మంచు మనోజ్ కూడా తన మొదటి భార్య ప్రణతి రెడ్డికి విడాకులిచ్చారు. ఆ తర్వాత ఆయన భూమా మౌనికా రెడ్డిని రెండో వివాహం చేసుకున్నారు.
నిహారిక కొణిదెల – చైతన్య జొన్నలగడ్డ
మెగా డాటర్ నిహారిక, చైతన్యను జైపూర్లో ఘనంగా వివాహం చేసుకున్నారు. పెళ్లయిన ఏడాదికే వీరి మధ్య మనస్పర్థలు రావడంతో పరస్పర అంగీకారంతో విడాకులు తీసుకున్నారు.
ధనుష్, ఐశ్వర్య రజనీకాంత్
తమిళ చిత్ర పరిశ్రమలో ఆదర్శవంతమైన జంటగా పేరొందిన హీరో ధనుష్, ఐశ్వర్య కూడా విడాకులు తీసుకున్నారు. సూపర్స్టార్ రజనీకాంత్ కుమార్తె అయిన ఐశ్వర్యను ధనుష్ వివాహం చేసుకున్నారు. సుమారు 18 ఏళ్ల సుదీర్ఘ వైవాహిక జీవితం తర్వాత వీరు విడిపోతున్నట్లు అధికారికంగా ప్రకటించి విడాకులు తీసుకున్నారు.
కమల్ హాసన్-వాణి గణపతి
విశ్వనటుడు కమల్ హాసన్ మొదట వాణి గణపతిని వివాహం చేసుకుని విడాకులిచ్చారు. ఆ తర్వాత నటి సారికను పెళ్లి చేసుకున్నప్పటికీ.. కొన్నాళ్లకు ఆమెతో కూడా బంధాన్ని తెంచుకుని విడిపోయారు.
ప్రభుదేవా-రామ్లత్
ప్రసిద్ధ డ్యాన్స్ కొరియోగ్రాఫర్, దర్శకుడు, నటుడు ప్రభుదేవా తన మొదటి భార్య రామ్లత్కు విడాకులు ఇచ్చి విడిపోయారు.
అమలాపాల్-ఏఎల్ విజయ్
హీరోయిన్ అమలా పాల్, తమిళ దర్శకుడు ఏఎల్ విజయ్ను ప్రేమించి పెళ్లి చేసుకున్నారు. కానీ కేవలం మూడేళ్లకే వీరి మధ్య విభేదాలు రావడంతో విడాకులు తీసుకున్నారు.
Also Read : యూట్యూబ్లో అదరగొడుతున్న ‘హరిలో రంగ హరి’
ఏఆర్ రెహమాన్ – సైరా బాను
ప్రముఖ సంగీత దర్శకుడు ఏఆర్ రెహమాన్, ఆయన భార్య సైరా బాను నవంబర్ 2024లో తమ 29 ఏళ్ల వైవాహిక బంధానికి ముగింపు పలికారు.
హీరో హృతిక్ రోషన్, సుసానే ఖాన్
బాలీవుడ్ స్టార్ హీరో హృతిక్ రోషన్, సుసానే ఖాన్ సుమారు 14 ఏళ్ల పాటు ఎంతో అన్యోన్యంగా జీవించారు. బాలీవుడ్ బెస్ట్ కపుల్స్లో ఒకటిగా నిలిచిన ఈ జంట 2014లో అధికారికంగా విడాకులు తీసుకుని అందరికీ షాక్ ఇచ్చారు.
అమీర్ ఖాన్-రీనా దత్తా
మిస్టర్ పర్ఫెక్ట్ అమీర్ ఖాన్ తన మొదటి భార్య రీనా దత్తాకు విడాకులిచ్చిన తర్వాత ప్రముఖ దర్శకురాలు కిరణ్ రావును వివాహం చేసుకున్నారు. అయితే 15 ఏళ్ల సుదీర్ఘ బంధం తర్వాత కిరణ్ రావుతో కూడా విడాకులు తీసుకున్నారు.
సైఫ్ అలీ ఖాన్-అమృతా సింగ్
నటుడు సైఫ్ అలీ ఖాన్ తన కంటే వయసులో పెద్దదైన నటి అమృతా సింగ్ను వివాహం చేసుకున్నారు. కొన్నేళ్ల పాటు కలిసి ఉన్న ఈ దంపతులు విడాకులు తీసుకున్నారు. ఆ తర్వాత సైఫ్ నటి కరీనా కపూర్ను పెళ్లాడారు.









