DELULU : యువతలో ఇప్పుడు బాగా వినిపిస్తున్న డెలులు అనే పదాన్నే టైటిల్‌గా పెట్టి తెరకెక్కుతున్న సినిమా డెలులు. ప్రీతం కస్తూరి ఈ సినిమాకు దర్శకత్వం వహిస్తున్నారు. క్రియేటివ్ లాంచ్‌ప్యాడ్ బ్యానర్‌పై సంకీర్త్ కొండ సినిమాను నిర్మిస్తున్నారు. విజయ్ రాజ్‌కుమార్ కథ, అదనపు మాటలు రాశారు. రెష్మిత్ ఎస్. కౌశిక స్క్రీన్‌ప్లే, డైలాగ్స్ అందించారు. టైటిల్‌ నుంచే కొత్తగా అనిపిస్తున్న ఈ సినిమాపై ఇప్పటికే ఆసక్తి ఏర్పడింది.
తాజాగా డెలులు టీజర్‌ను చిత్రబృందం విడుదల చేసింది. ఒక నిమిషం 32 సెకండ్ల పాటు ఉన్న ఈ టీజర్ బ్రేకప్ దేవా అనే డైలాగ్‌తో మొదలవుతుంది. ఆ తర్వాత వచ్చే సన్నివేశాలు, పాత్రల మధ్య సరదా మాటలు నవ్వులు పూయిస్తున్నాయి. టీజర్‌లోని కొన్ని డైలాగ్స్ ప్రత్యేకంగా ఆకట్టుకుంటున్నాయి.
Also Read : పవన్ కల్యాణ్‌కు మెగాస్టార్ బర్త్ డే విషెస్.. ఎమోషనల్ ట్వీట్!
ఆడదానివైన నువ్వు.. చీప్‌గా ఓ మగాడి కోసం మారతావా అంటావా.. సెల్ఫ్ రెస్పెక్ట్ లేదా నీకు, నువేమైనా ఫాదర్ ఆఫ్ ఇండియానా?, నువ్వు అత్తాపూర్‌కు రారా.. నీళ్ల ట్యాంకర్ దగ్గర ఆడోళ్లతో కొట్టిస్తా, కుక్కకు పుట్టినవా నువ్వువంటి డైలాగ్స్ టీజర్‌లో హైలైట్‌గా కనిపిస్తున్నాయి. ఈ డైలాగ్స్, కామెడీ సీన్లు సినిమాపై ఆసక్తిని మరింత పెంచుతున్నాయి.
ముఖ్యంగా ఓ ఇంట్లో జరిగే సరదా సంఘటనలు, పాత్రల మధ్య ఉండే కెమిస్ట్రీ టీజర్‌లో బాగా ఆకట్టుకున్నాయి. కామెడీతో పాటు ఫ్యామిలీ ఆడియన్స్‌ను మెప్పించే సీన్లు కూడా సినిమాలో ఉన్నట్లు టీజర్ చూస్తే అర్థమవుతోంది. మొత్తంగా టీజర్ మొదటి నుంచి చివరి వరకు ఫుల్ ఎంటర్‌టైన్‌మెంట్‌తో సాగింది. ఇప్పటికే విడుదలైన పోస్టర్‌కు మంచి స్పందన వచ్చింది. ఇప్పుడు టీజర్ కూడా ఆకట్టుకోవడంతో సినిమాపై అంచనాలు పెరిగాయి.
డెలులు సినిమాకు మంచి టెక్నికల్ టీమ్‌ కూడా పనిచేస్తోంది. జై రాజ్ నాయుడు కెమెరా బాధ్యతలు చూసుకుంటున్నారు. హరికృష్ణ కురపాటి ఎడిటింగ్ చేస్తున్నారు. ఆది చెబ్రోలు సంగీతం అందిస్తున్నారు. టీజర్‌లో సంగీతం కూడా సీన్లకు తగ్గట్టుగా ఆకట్టుకుంది. ఈ సినిమాలో విజయ్ రాజ్‌కుమార్, వేణి రావు, అఖిల్ జాక్సన్, సాయి ప్రసన్న, శ్రీ రామ మండవ, అభినయ్ తుల తదితరులు కీలక పాత్రల్లో నటిస్తున్నారు. యువతను ఆకట్టుకునేలా ఫన్‌, కామెడీ, ఎంటర్‌టైన్‌మెంట్‌తో ఈ సినిమాను రూపొందిస్తున్నట్లు చిత్రబృందం తెలిపింది.
టీజర్‌కు వస్తున్న స్పందనతో ‘డెలులు’పై ప్రేక్షకుల్లో ఆసక్తి పెరుగుతోంది. కొత్త టైటిల్‌, కామెడీ సీన్లు, ఫన్‌ ఎలిమెంట్స్‌ సినిమాకు బాగా కలిసొచ్చేలా కనిపిస్తున్నాయి. మరి థియేటర్లలో డెలులు ఎంతగా నవ్విస్తుందో చూడాలి.
Also Read : బాక్సాఫీస్‌ను ఊచకోత కోస్తున్న రవితేజ ‘ఇరుముడి’.. రూ.170 కోట్లతో రికార్డుల వర్షం
