
రాప్తాడు కేసులో నిందితుడు హేమంత్పై పోలీసులు కాల్పులు జరిపారు. కేసు దర్యాప్తులో భాగంగా సీన్ రీక్రియేషన్ చేయడానికి పోలీసులు అతడిని ఘటనా స్థలానికి తీసుకెళ్లారు. ఆ సమయంలో హేమంత్ పోలీసుల కన్నుగప్పి అక్కడి నుంచి తప్పించుకోవడానికి ప్రయత్నించాడు. దీంతో అప్రమత్తమైన పోలీసులు అతడిని పట్టుకునేందుకు 6 రౌండ్లు కాల్పులు జరిపారు. ఈ కాల్పుల్లో తీవ్రంగా గాయపడిన నిందితుడిని పోలీసులు వెంటనే చికిత్స నిమిత్తం సమీపంలోని ఆసుపత్రికి తరలించారు. ప్రస్తుతం అక్కడ అతనికి చికిత్స అందుతోంది.
బ్రేకింగ్
రాప్తాడు నిందితుడిపై పోలీసుల కాల్పులు
నిందితుడు హేమంత్ పై ఆరు రౌండ్ల కాల్పులు జరిపిన పోలీసులు
ఆత్మకూరు అటవీ ప్రాంతంలో పోలీసుల కాల్పులు
పోలీసులపై తిరగబడి పారిపోయేందుకు యత్నం
దీంతో హేమంత్ పై కాల్పులు జరిపిన పోలీసులు
నిందితుడికి తీవ్ర గాయాలు, ఆస్పత్రికి తరలింపు https://t.co/2XsGxcfiBS
— Rahul (@2024YCP) November 1, 2026
రాప్తాడు మండలం అయ్యవారిపల్లికి చెందిన 15 ఏళ్ల గోపిక స్థానిక జడ్పీ హైస్కూల్లో పదో తరగతి చదువుతోంది. ఉదయం సమయంలో ఆమె క్లాస్రూమ్లో ఉండగా, వరుసకు బాబాయ్ అయ్యే హేమంత్ ఎలక్ట్రిక్ రంపంతో ఒక్కసారిగా లోపలికి చొరబడ్డాడు. విద్యార్థులంతా చూస్తుండగానే గోపికపై విచక్షణారహితంగా దాడికి పాల్పడ్డాడు. ఈ దాడిలో ఆమె తల, ముఖం, వీపు భాగాల్లో లోతైన గాయాలయ్యాయి. ఈ ఘోరాన్ని అడ్డుకునేందుకు లక్ష్మి అనే మరో విద్యార్థిని ధైర్యంగా ప్రయత్నించగా, ఆమె రెండు కాళ్లకు కూడా తీవ్ర గాయాలయ్యాయి. తోటి స్టూడెంట్స్ భయంతో కేకలు వేయడంతో నిందితుడు రంపాన్ని అక్కడే వదిలేసి స్పాట్ నుంచి పారిపోయాడు. తీవ్ర రక్తస్రావంతో కొట్టుమిట్టాడుతున్న గోపికను తొలుత అనంతపురం హాస్పిటల్కు, ఆపై మెరుగైన ట్రీట్మెంట్ కోసం బెంగళూరులోని ప్రైవేట్ ఆసుపత్రికి తరలించారు.
పోలీసుల ఎదురుకాల్పులు – నిందితుడి అరెస్ట్:
ఘటన అనంతరం పరారైన హేమంత్ ఆత్మకూరు ఫారెస్ట్ ఏరియాలో నక్కినట్లు పోలీసులకు సమాచారం అందింది. నిందితుడిని అదుపులోకి తీసుకున్న పోలీసులు, కేసు ఇన్వెస్టిగేషన్లో భాగంగా సీన్ రీక్రియేషన్ కోసం ఘటనా స్థలానికి తీసుకెళ్లారు. ఆ సమయంలో పోలీసుల కళ్లుగప్పి నిందితుడు ఎస్కేప్ అవ్వడానికి ప్రయత్నించాడు. అప్రమత్తమైన పోలీసులు అతడిని పట్టుకునే క్రమంలో 6 రౌండ్లు కాల్పులు జరిపారు.
ఈ ఫైరింగ్లో నిందితుడు హేమంత్ తీవ్రంగా గాయపడ్డాడు. వెంటనే పోలీసులు అతడిని సమీపంలోని ఆసుపత్రికి తరలించి అడ్మిట్ చేశారు. ప్రస్తుతం అతనికి వైద్యుల పర్యవేక్షణలో ట్రీట్మెంట్ అందుతోంది. ఈ ఘటనతో రాప్తాడు పరిసర ప్రాంతాల్లో తీవ్ర కలకలం రేగింది.









