Kerala: నీట్ పేపర్ లీకేజీకి వ్యతిరేకంగా ఢిల్లీ జంతర్ మంతర్ దగ్గర ఆందోళన చేసిన విద్యార్థులపై దారుణమైన వ్యాఖ్యలు చేసినందుకు గాను ప్రముఖ రాజకీయ విశ్లేషకుడు టీజీ మోహన్దాస్ ను కేరళ సైబర్ పోలీసులు అరెస్ట్ చేశారు. కేరళ బీజేపీ మాజీ నాయకుడైన మోహన్దాస్ను ఎర్నాకుళంలోని ఆయన ఇంటి వద్ద పోలీసులు అదుపులోకి తీసుకున్నారు. ఆయన వాడే ఫోన్, కంప్యూటర్లను స్వాధీనం చేసుకుని, తన యూట్యూబ్ ఛానెల్లో పెట్టిన వీడియోలపై పోలీసులు విచారిస్తున్నారు. నేడు ఆయనను కోర్టులో హాజరుపరచనున్నారు.
Also Read : ముస్లిం వివాహాలపై కర్ణాటక హైకోర్టు సంచలన తీర్పు
జంతర్ మంతర్ వద్ద నిరసన చేస్తున్న విద్యార్థులను ఉద్దేశించి ఆయన మాట్లాడుతూ.. తన చేతిలో అధికారమే ఉంటే వారిని తుపాకీతో కాల్చి చంపేవాడినని ఆయన అన్నారు. అంతేకాకుండా ఆందోళన వల్ల గ్యాంగ్ రేప్స్ జరుగుతాయని, రేప్ ను ఇష్టపడే వారే అక్కడికి వెళ్లారు. ఆ అమ్మాయిలు దానిని ఎంజాయ్ చేస్తారు అంటూ సంచలన కామెంట్స్ చేశారు. అలాంటివి జరిగినా వారు బయటకు చెప్పరంటూ నీచంగా మాట్లాడారు. ఈ మాటలపై పెద్ద ఎత్తున గొడవ జరగడంతో, రాష్ట్రీయ స్వయంసేవక్ సంఘ్ స్పందిస్తూ ఆయన అన్న మాటలతో తమకు ఏ సంబంధం లేదని, అవి ఆయన సొంత మాటలని చెప్పింది.
ఆయన చేసిన ఈ కామెంట్లపై జూలై 29న కేసు నమోదైంది. గొడవలు రేపేలా మాట్లాడటం, నెట్లో చెడు ప్రచారం చేయడం లాంటి సెక్షన్ల కింద పోలీసులు కేసు నమోదు చేశారు. అయితే కేసు పెట్టిన వారం రోజులకు అరెస్ట్ చేయడంపై విమర్శలు రాగా, విచారణ అధికారి సమయాన్ని బట్టి అరెస్ట్ చేశారని హోం మంత్రి రమేష్ చెన్నితల చెప్పారు. మరోవైపు ఈ అరెస్ట్ను బీజేపీ నాయకులు తప్పుపట్టారు. ప్రభుత్వం తమ తప్పులను, వరద సహాయక చర్యల వైఫల్యాలను కప్పిపుచ్చుకోవడానికే మోహన్దాస్ను అరెస్ట్ చేసి నాటకాలు ఆడుతోందని బీజేపీ నాయకుడు ఎస్. సురేష్ ఆరోపించారు.
Also Read : మెట్రోలో కీచకుడు… సీక్రెట్ గా అమ్మాయిల ఫొటోలు తీస్తూ దొరికిపోయాడు!
