ఆసియా క్రీడల క్రికెట్ విభాగంలో భారత్, పాకిస్థాన్ జట్ల మధ్య జరుగుతున్న గ్రాండ్ ఫైనల్ మ్యాచ్‌లో టీమ్‌ఇండియా టాస్ గెలిచింది. టీమిండియా కెప్టెన్ శ్రేయస్ అయ్యర్ ఫస్ట్ బ్యాటింగ్ ఎంచుకున్నాడు. పిచ్ పరిస్థితి, ఫైనల్ మ్యాచ్ ఒత్తిడిని దృష్టిలో ఉంచుకుని బోర్డుపై భారీ స్కోరు సాధించి.. పాకిస్థాన్‌పై ఒత్తిడి పెంచడమే లక్ష్యంగా భారత్ బరిలోకి దిగుతోంది.
Also Read : బంగ్లాదేశ్‌ను ముందుపెట్టి భారత్‌పై పాక్ కొత్త కుట్ర.. ఏం చేస్తుందంటే?
🚨INDIA WON THE TOSS AND ELECTED TO BAT FIRST IN THE FINAL AGAINST PAKISTAN 🚨
Abhishek and Vaibhav will open the innings
Predict the score after 20 overs #cricket #asiangame #indiavspakistan #vaibhavsooryanshi #Indians pic.twitter.com/9LBvYiznP0
— Footvoski (@CRICBALLY) October 3, 2026
ఈ ఫైనల్ పోరు కోసం భారత్ ఫైనల్ జట్టును ప్రకటించింది. బ్యాటింగ్ విభాగంలో యువ సంచలనం వైభవ్ సూర్యవంశీతో కలిసి డాషింగ్ ఓపెనర్ అభిషేక్ శర్మ ఇన్నింగ్స్‌ను ప్రారంభించనున్నారు. మిడిల్ ఆర్డర్‌లో వికెట్ కీపర్ సంజు శాంసన్, కెప్టెన్ శ్రేయస్ అయ్యర్‌లతో పాటు ధనాధన్ హిట్టర్లు ఇషాన్ కిషన్, తిలక్ వర్మ ఉండటంతో జట్టు బ్యాటింగ్ లైనప్ చాలా బలంగా కనిపిస్తోంది. ఆల్‌రౌండర్లుగా శివమ్ దూబే, అక్షర్ పటేల్, వాషింగ్టన్ సుందర్‌లు జట్టుకు కొండంత అండగా నిలవనున్నారు.
శివమ్ దూబే తన భారీ సిక్సర్లతో మ్యాచ్‌ను మలుపు తిప్పగలడని చెప్పవచ్చు. ఇక స్పిన్ విభాగాన్ని అక్షర్ పటేల్, వాషింగ్టన్ సుందర్‌లతో పాటు లెగ్ స్పిన్నర్ రవి బిష్ణోయ్ నడిపించనున్నారు. మిడిల్ ఓవర్లలో ప్రత్యర్థి వికెట్లను పడగొట్టడంలో ఈ ముగ్గురు స్పిన్నర్లు కీలక పాత్ర పోషించనున్నారు. ఇక పేస్ విభాగానికి యార్కర్ల కింగ్ జస్‌ప్రీత్ బుమ్రా నాయకత్వం వహిస్తున్నాడు. పవర్ ప్లేతో పాటు డెత్ ఓవర్లలో బుమ్రా బౌలింగ్ పాకిస్థాన్ బ్యాటర్లకు పెద్ద సవాలుగా మారనుంది. ఆసియా క్రీడల్లో స్వర్ణ పతకం సాధించడమే లక్ష్యంగా టీమ్‌ఇండియా బరిలోకి దిగుతోంది.
Also Read : చహల్ సంచలన నిర్ణయం.. క్రికెట్‌కు గుడ్‌బై!
