
ప్రపంచ సాంకేతిక రంగంలో సంచలనం సృష్టిస్తూ ఆర్టిఫిషియల్ ఇంటెలిజెన్స్ చిప్ల మార్కెట్లో అగ్రగామిగా ఉన్న ఎన్వీడియా సంస్థ సీఈవో జెన్సన్ హువాంగ్ తన పదవికి రాజీనామా చేసిన విషయం తెలిసిందే. అయితే జెన్సన్ తన పదవికి రాజీనామా చేసిన వెంటనే ఎన్వీడియా షేర్లు భారీగా పడిపోయాయి. గురువారం ట్రేడింగ్లో ఒకానొక దశలో కంపెనీ షేర్లు 14 శాతానికి పైగా నష్టపోయాయి. అయితే కంపెనీ తాత్కాలిక సీఈవోగా చీఫ్ ఫైనాన్షియల్ ఆఫీసర్ కోలెట్ క్రెస్ను నియమిస్తున్నట్లు బోర్డు ప్రకటించడంతో షేర్లు కొంతవరకు కోలుకున్నాయి. అయినప్పటికీ ట్రేడింగ్ ముగిసే సమయానికి షేర్లు నష్టాల్లోనే ముగిశాయి. ప్రస్తుతానికి మార్కెట్లపై పడిన ఈ భారాన్ని తగ్గించేందుకు కంపెనీ నాయకత్వం తగిన చర్యలు చేపడుతోంది.
Also Read : టెర్రరిస్టులతో పాక్ ఆర్మీ చీఫ్ సీక్రెట్ మీటింగ్స్.. భారత్పై మరో కుట్ర?
అయితే కోలెట్ క్రెస్ తాత్కాలిక బాస్గా మాత్రమే కొనసాగుతారా లేదా శాశ్వత నాయకురాలిగా ఎంపికవుతారా అనేదానిపై ఇంకా స్పష్టత రాలేదు. ఎన్వీడియాకు శాశ్వత వారసుడిని ఎన్నుకునేందుకు బోర్డు అంతర్గత, బాహ్య అభ్యర్థుల కోసం అన్వేషణ ప్రారంభించింది. ఈ రేసులో కంపెనీకి చెందిన పలువురు ప్రముఖుల పేర్లు వినిపిస్తున్నాయి. ముఖ్యంగా కంపెనీలో దీర్ఘకాలం పాటు ఇంజనీర్గా పనిచేసిన ఇయాన్ బక్ పేరు పరిశీలనలో ఉంది. అలాగే ఆర్మ్ సీఈఓ రెనే హాస్, ఎన్వీడియా మొట్టమొదటి బోర్డు ఛైర్మన్ హార్వే జోన్స్ పేర్లు కూడా వినిపిస్తున్నాయి.
మరోవైపు బయటి వ్యక్తుల పేర్లు కూడా గట్టిగానే చర్చకు వస్తున్నాయి. ఎన్వీడియా ప్రధాన ప్రత్యర్థి అయిన ఏఎండీ సీఈవో లీసా సూ పేరు కూడా ఈ పదవికి వినిపిస్తుంది. అంతేకాకుండా మైక్రాన్ చీఫ్ ఎగ్జిక్యూటివ్ సంజయ్ మెహ్రోత్రా, మార్వెల్ టెక్నాలజీ సీఈవో మాట్ మర్ఫీ, యాపిల్ సంస్థకు చెందిన జానీ స్రౌజీ పేర్లు కూడా పరిశీలనలో ఉన్నట్లు తెలుస్తోంది. ఇక అమెరికా అధ్యక్షుడు డొనాల్డ్ ట్రంప్ మాత్రం యాపిల్ మాజీ చీఫ్ ఎగ్జిక్యూటివ్ టిమ్ కుక్ పేరును సూచించినట్లు సమాచారం.
ఈ నాయకత్వ మార్పు ఎన్వీడియా భవిష్యత్తుపై తీవ్ర ప్రభావం చూపే అవకాశం ఉంది. అధునాతన ఏఐ చిప్ల మార్కెట్లో దాదాపు 90 శాతం వాటాను కలిగి ఉన్న ఎన్వీడియా ప్రపంచంలోనే విలువైన కంపెనీలలో ఒకటిగా కొనసాగుతోంది. హువాంగ్ నాయకత్వంలోనే ఈ సంస్థ దాదాపు 6 ట్రిలియన్ల మార్కెట్ విలువను తాకింది. అటువంటి బలమైన సంస్థ నుంచి ఆయన ఆకస్మికంగా తప్పుకోవడం, చైనాతో ఉన్న సంబంధాలపై అమెరికా చట్టసభ సభ్యులు దర్యాప్తు చేస్తుండటం వంటి పరిణామాలు కంపెనీకి పెద్ద సవాలుగా మారాయి.
Also Read : ఎన్వీడియా మాజీ సీఈవో జెన్సన్ హువాంగ్ మూడు అఫైర్స్ స్టోరీ.. ఆ ముగ్గురు మహిళలు ఎవరంటే?









